أنا هكتب

بسم الله الرحمن الرحيم 

الحمد لله والصلاة والسلام على رسول الله (صلى الله عليه وسلم ) .نخش فى الموضوع على طول من فتره طويله - أوى - وأنا بفكر انى اكتب أو تقريبا كنت بكتب بالفعل بس بشىء من الشتات والعبثيه فشئ مكتوب هنا وشئ هنا ... ثم بعد ذلك وعقبال عند السامعين أقصدى القارئين جميعا قلت اعمل مدونه   ألم فيها نفسى بدل النطوره  وكل يوم أقول أعملها بكره  أعملها بكره  وبالتالى مكنتش بكتب أى شئ على امل ان خلاص هعمل مدونتى وابقى أكتب فيها .. وفضلت كده فتره طويله _ أوى برده _ لحد مخبطتنى كلمه من المفكر السورى برهان غليون كان بيقول فيها : من لا يكتب عادة لا يفكر !!!!! قلت لالالالا يا واد لازم اكتب وخلاص ومن انهارده صفحه جديده والحوارات دى .. لكن برده فضلت كده فتره - أوى بس مش كتير _ ل لحد ما بقى جات الزتونه الكبيره مدونه لصديق واحد صديقى  بجد وجدتنى فى حالة تلبس من الاعجاب بيه .. فكالعاده قلت لالالا يا واد لازم اكتب بس المره دى بقى خلاص بعدها بساعات قليله كنت بكتب الكلام اللى انتو بتقروه ده عشان اقول بيه : هشام هيكتب يا رجااااااااااااااااله

م.هشام مجدى