صاغ سليم/ بلد بتاعة شهادات

فى بلدنا  - الجميل - عندنا ولع شديد بالورق فاذا أردت أن تقضى أى مصلحه لابد لك أن تستخرج كميه من الورق لا تدرى 

ما أهميتها ,, بس الشئ اللى غايظنى انا شخصيا انى ب 10 جنيه طلعت صاغ سلم !! ازاى ... فى اكتر من حاجه عندنا عشان تعملها لازم تستخرج شهاده صحيه منهم حاجتين اتعرضت لهم مؤخرا كتب كتابى واستخراج رخصة القياده  , الاول يحتاج شهاده خلو من أمراض كتير كده  والثانى يحتاج شهاده  للباطنه والنظر   , فى المره الأولى جائنى حمايا العزيز  ليبشرنى  أننى خالى من كثير من الأمراض نفسيه وعصبيه  وو ... الخ , طيب عرف منين  !!! كل ما كان عليه فعله انه توجه بصورة بطاقتى أنا  وبنته - مراتى مؤخرا -  ومعاه صوره لكل  منا  والاهم من دا كله 25 ج - وفر عليا بصراحه -  واستخرج لنا الشهاده  فلما بشرنى طرت فرحا وخدت الشهاده من ايده بسرعه متشوقا للاطمئنان على صحتى  فوجدتنى حقا صاغ سليم من كله! يالها من فرحه غامرة جعلتنى احمد الله على الصحه  وترتسم على وجهى  فرحة الاطفال التى تشبه الرغاوى بتاعة لعبة الفقاقيع ! هديت شويه من الفرحه وسألته  هو عادى انهم يدوك الشهاده من غير منروح قالى لما سالونى عليكوا  قلتلهم بنتى نايمه وخطيبها فى الشغل وبالتالى قالوله مبروك يا حج  فعرفت سعتها  مدى ذكاء الموظف المصرى وبعد نظره لانهم أكيد لما قالهم بنتى نايمه استنتجوا انها مستريحة البال وبالتالى فهى خاليه من الامراض العصبيه ولما قالهم خطيبها فى الشغل استنتجوا انه مادام بيشتغل يبقى عنده عافيه  أو أولين مش فارقه  المهم ان هذا أيضا دليل على سلامته !!!!!!!!!!!!!! نيجى بقى للرخصه ودى  رحت بنفسى  - مش كل مره يكشفوا غيابيا بقى - ودخلت  المستشفى المختصه و واستقبلنى شخص أشبه بسائقى التوك توك وقالى صورة البطاقه  فاديتهاله  فاخرج شهادة باطنه وأخرى نظر كلاهما مختوم جاهز وبه  دليل سلامتى أيضا الا انه تفضل مشكورا وكتب اسمى عليهم وخبط منى عشره جنيه !! عندها وقفت مذهولا من هؤلاء الحمقى اللذين يشتكون أن مصر بها امراض كثيره  .. ازاى ده وانت ب 10 او 25 ج تستطيع التاكد  أنك برنس عافيه   وعنتر قوه فأخذذت أصفق وأردد الكلمات الخالده للأديب أبو حموءه اللول التى تدل على بعض نظره للأمور : تتعب نفسك ليه لما فى توك توك بجنيه . سلاااام

هشام